Xente con vida

Aprende a sentirte ben 19/03/2012

Toma menos graxa

Vota:
Resultado:
(1 votos)
Compartir:
Non excederse coa graxa é unha grande axuda á dieta saudable. A inxestión de graxa é fundamental para o noso organismo, pero sempre que se inclúa en cantidade e calidade adecuada. A continuación propoñémosche algunhas ideas e consellos para reducir o consumo de graxa.
Sal
Toma menos graxa
  • O consumo excesivo de graxas saturadas pode aumentar o risco de enfermidades cardiovasculares.
  • As graxas aportan enerxía, ácidos graxos "esenciais" e serven de transporte ás vitaminas A, D, E e K.
  • As graxas e os aceites deben consumirse con moderación, polo seu elevado aporte calórico.

Os nosos consellos:

  1. Sempre que poidas,usa o aceite de oliva, ademais de aliño para ensaladas, tamén para cociñar e fritir.
  2. Os embutidos e derivados cárnicos ricos en graxa, os queixos de untar, as salsas, os produtos de repostería comercial y precociñada deben ser de consumo ocasional.
  3. Substitúe as graxas procedentes de animais nas preparacións con verduras. Alíñaas con aceite de oliva, ten calidades moi beneficiosas para a túa saúde.
  4. aceite Cando prepares fritos, faino sempre con aceite de oliva. Resiste as altas temperaturas máis que o de xirasol e se preservan mellor os nutrientes dos alimentos. Na medida do posible non reutilices o aceite de fritir.
  5. Prepara caldos con máis verduras e menos carne. Arrefría os caldos e sopas e quítalles a graxa superficial antes de servilos. Reduce a porción de unto no caldo.
  6. Come máis polo, pavo e coello que carnes vermellas e graxas. Cando as consumas elixe cortes magros e elimina toda a graxa visible dos mesmos. Quita toda a pel do polo antes de cociñalo.
  7. Compra menos embutidos e friames. Substitúe os bocadillos e aperitivos por outras opcións máis saudables como pan con atún ou sardiniñas e tomate, porcións moderadas de froitos secos (sen sal engadida), queixo fresco con froitas, pan con herbas aromáticas e aceite de oliva. Compara as etiquetas das conservas de pescado e elixe os produtos con menos cantidade de sal ou de sodio.
  8. Consume só de forma moi ocasional, preparados cárnicos como salchichas, touciño entrefebrado e chourizos frescos, hamburguesas ou preparados afumados ou en salgadura que soen incluír tamén máis graxa.
  9. Evita as cremas de queixo, os queixos para untar e os derivados lácteos “enriquecidos” porque son máis ricos en graxa. Evita as salsas a base de nata e queixo, ou prepáraas utilizando leite e queixo parcialmente desnatados. Elixe queixos de baixo contido graxo.
  10. adultos leite Para os adultos da casa, usa leite desnatada total ou parcialmente en lugar de leite enteira. Para os nenos é recomendable a leite enteira, pero segue sempre as instrucións do seu pediatra.
  11. Limita o consumo de pastelería e bolería industrial, galletas recheas de crema ou cremas de chocolate e cacao, sobre todo na poboación infantil. Soen ser máis ricas en colesterol, ácidos graxos saturados e graxas “trans” que se se toman en exceso poden ser prexudiciais para a súa saúde cardiovascular. Prefire as sobremesas caseiras.
  12. Para a repostería caseira usa menos nata e máis iogur natural desnatado ou unha mestura de iogur e requeixo parcialmente desnatado con aceite de oliva.
  13. Limita o consumo de manteiga e margarina. Substitúeas con aceite de oliva tamén para acompañar as torradas no almorzo.
  14. Evita algúns produtos típicos de comida rápida como as patacas preparadas para fritir, ou as masas preparadas para enfornar. Elixe os produtos “libres de graxas trans”.
  15. Le a información nutricional de todos os produtos. Compara o contido graxo de produtos similares. Os termos «light» e «baixo en graxas» non garanten a ausencia total de graxas. Só avisan que dito alimento conten menos cantidade destas que o produto base de referencia.
  16. Se adoitas comer fóra do fogar, elixe preparacións sinxelas, fervidas, asadas ao forno ou á prancha e evita as que levan salsas e os fritos. Pide sempre unha peza de froita como sobremesa. Solicita tamén máis pratos con verduras, hortalizas e legumes.
Recorda que:
  • A inxestión de graxa é fundamental para o noso organismo, pero sempre que se inclúa en cantidade e calidade adecuada.
  • As graxas aportan enerxía, ácidos graxos “esenciais” e serven de transporte ás vitaminas A, D, E e K.
  • As graxas e os aceites deben consumirse con moderación, polo seu elevado aporte calórico.
  • bolos non O consumo excesivo de graxas saturadas pode aumentar o risco de enfermidades cardiovasculares. Os alimentos de orixe animal e algúns procesados soen ser ricos en ácidos graxos saturados e colesterol. Por iso, debemos consumir con moderación os produtos cárnicos e embutidos; os de pastelería e bolería industrial; os queixos curados, a nata e a manteiga; os alimentos precociñados con aceites hidroxenados ou graxas animais; as cremas de untar de cacao, os xeados de crema e moitos aperitivos.
  • As graxas insaturadas poden axudar a previr enfermidades cardiovasculares. Algúns alimentos de orixe vexetal como o aceite de xirasol ou de millo e o de oliva virxe, os froitos secos como as noces, froitos como o aguacate e os pescados son ricos neste tipo de graxas.
  • É importante evitar o consumo excesivo dalgunhas margarinas, e produtos xa que durante o seu proceso de elaboración se forman ácidos graxos “trans”, estraños para o noso organismo e que poden comportarse con factores de risco de enfermidade cardiovascular.
Deixa un comentario



 

¿Coñeces o teu índice de masa corporal (IMC)?​​

Os comités internacionais de expertos, recomendan o emprego do Índice de Masa Corporal (IMC) como un indicador orientativo do estado nutricional. Introducindo o teu peso e talla poderás coñecer o teu, e descubrir o nosos consellos saudables individualizados para ti.​​

Introduce os teus datos e calcula o teu IMC:

Kg.

m.


< voltar
O teu IMC é:
A OMS (Organización Mundial da Saúde)
establece como categoría do teu IMC:
BAIXO PESO​
​​
Sería convinte subir de peso cara ó rango de normopeso, xa que, contrariamente ó que moita xente pensa, o baixo peso pode ter consecuencias graves para a saúde.

< voltar
O teu IMC é:
A OMS (Organización Mundial da Saúde)
establece como categoría do teu IMC:
NORMOPESO​​
Tenta manter o teu peso actual, xa que te atopas nun peso adecuado para a túa estatura e, sobre todo, procura que os teus hábitos de dieta e exercicio físico sexan saudables.

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO I
Se o teu peso é estable, non padeces ningunha enfermidade asociada á obesidade e non se te acumula graxa no abdome, non é un sobrepeso preocupante. Podes manterte neste peso ou baixar cara un normopeso (IMC = 8,5 – 24,9), sempre e cando manteñas uns hábitos saudables de dieta e exercicio físico. Se algún dos anteriores puntos está presente, pola túa saúde aconsellámoste que perdas uns kilos ata situarte dentro do rango de normopeso.​
​​

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO II​
​​
Se o teu peso é estable, non padeces ningunha enfermidade asociada á obesidad e non se te acumula graxa no abdome, non é un sobrepeso preocupante. Poder manterte neste peso ou baixar cara normopeso, sempre e cando teñas uns hábitos saudables de dieta e exercicio físico. Se algún dos anteriores puntos está presente, aconsellámoste baixar entre un 5 e un 10% o teu peso, para poder mellorar o teu estado de saúde.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE I​
​​
A obesidade é unha enfermidade crónica que implica un exceso de grasa corporal e un incremento no risco de padecer certas enfermidades e trastornos fisiolóxicos, como a hipertensión arterial, diabetes e dislipemias, entre outras. Se xa padeces algunha enfermidade relacionada coa obesidade, ou se che acumula graxa no abdome, aconsellámoste que baixes de peso, alomenos un 10%. Así, poderás incluir novos hábitos saudables que axudarán a mellorar as patoloxías asociadas á obesidade. Se aínda non padeces estes síntomas, para previr posibles problemas de saúde, recomendámosche baixar de peso entre un 5 e un 10%, e coidar os teus hábitos alimentarios e de práctica regular de exercicio físico.

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE II​
​​
A obesidade é unha enfermidade crónica que implica un exceso de grasa corporal. E, neste caso, habitualmente vai acompañada dalgunha enfermidade asociada. Se é así, por razons de saúde, é necesario baixar de peso entre un 20 e un 30%, tendo en conta as patoloxías que poidan relacionarse coa obesidade. Así mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida. Se, por sorte aínda non padeces algunha enfermidade relacionada coa obesidade e non se che acumula graxa no abdome, comeza baixando un 10% de peso, sen esquecerte da importancia duns bos hábitos.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE III​
​​
A obesidade é unha enfermidade crónica que implica un exceso de graxa corporal. E, neste caso, habitualmente vai acompañada dalgunha enfermidade asociada. Por razons de saúde, é necesario baixar de peso entre un 20 e un 30% do teu peso actual, tendo en conta as patoloxías que poden relacionarse coa obesidade. Asi mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida.