Estamos rodeados de mitos en torno á alimentación que moitas veces rexen as nosas pautas alimenticias. Por iso formulamos este artigo (terceiro dunha serie), onde imos ir desmentindo un a un os máis populares.
Comenzamos agora a desmentir un a un estos falsos mitos alimentarios.
Mito: Os alimentos light adelgazan
Un alimento light é aquel que proporciona menos enerxía que o seu produto de referencia. Por exemplo, no mercado xa existe a maionesa "Sabrosa". Pero neste intre o comerciante decide sacar a maionesa "Sabrosa" Light. Este novo produto presenta unha restrición mínima do 30% do valor enerxético respeto ó alimento de referencia (maionesa "Sabrosa").
O menor índice de calorías conséguese ó reducir ou substituír algún dos compoñentes do alimento de referencia. Isto faise ben ó diminuír a súa cantidade de hidratos de carbono (azucres) e substituílos por edulcorantes, ou ó reducir a achega de graxas o empregar substitutivos de graxas.
Recorda que aínda que sexan máis baixos en calorías que o produto de referencia poden ser igualmente ricos en enerxía.
Mito: Os conservantes son prexudiciais para a saúde
Para a conservación de alimentos utilízanse métodos físicos coma a calor ou o frío e químicos coma os conservantes (conservadores). Estes compostos inhiben o crecemento de bacterias, fungos ou fermentos. Algúns dos microorganismos máis perigosos non poden vivir en medio con pH baixo. É por isto que moitos compostos ácidos se empregan coma conservantes. P. ex. o ácido acético do vinagre nas conservas de escabeche.
O dióxido de xofre e os seus derivados coma os sulfitos (E-220 a E-228) son tóxicos para as bacterias e os mofos pero non para as fermentos por iso no proceso de fabricación do viño utilízanse estes compostos. Son útiles tamén noutros alimentos coma nas froitas e patacas peladas para evitar o escurecemento e na carne picada para manter a cor vermella.
Na actualidade está autorizado o uso de nitratos e nitritos sódicos e potásicos na conserva de derivados cárnicos, queixos e algúns produtos da pesca. É importante a relación risco-beneficio destes compostos. Por unha banda, existe o risco de formación de nitrosaminas a partires de estes compostos que son potenciais carcinógenos. Pero por outra banda, evitan o botulismo que pode ter consecuencias fatais. (tema Aditivos Alimentarios).
Mito: Non importa canto comemos, o importante é non mesturar alimentos (hidratos e proteínas)
Ademáis de falso, afirmacions coma esta adoitan estar presentes en consellos pseudocientíficos nos medios de comunicación. Primeiro, os alimentos son mesturas heteroxéneas de nutrientes, aínda que dalgúns teñan unha maior proporción. Polo tanto sería case imposible cumprir esta afirmación. Segundo, as enzimas atacan de igual forma con indiferenza dos diferentes tipos de alimentos e terceiro, o ovo con patacas fritas, o bocadillo de xamón ou de atún, a carne con pasta, a paella e as potaxes de legumes con arroz terían que ser suprimidos da nosa dieta. (tema O exceso de peso e a obesidade)
Mito: O vinagre de sidra posúen moitas propiedades para a saúde
Esta afirmación carece de fundamento. Conten un 5% de ácido acético e pouco máis de outros nutrintes. Esta afirmación ven dun estudio que se fixo nun pobo de Estados Unidos con habitantes moi lonxevos e que consumían a cotío vinagre de sidra. É un condimento máis, pero ata o de agora non se puido atribuírlle ningún efecto "máxico".
Outras publicacións relacionadas do teu interese: