Neste artigo recomendámoste consumir máis pan, arroz e pasta de variedade integral cuns útiles consellos.
Consume máis pan, arroz e pasta de variedade integral
- A súa calidade nutricional é máis alta que os produtos elaborados con fariñas refinadas.
- Entre os nutrientes destacados dos alimentos integrais están as vitaminas do grupo B e E e minerais como selenio, cinc, cobre, magnesio, fósforo, ferro e a fibra dietética.
Segue estes consellos:
- Os cereais deben constituír a base da nosa alimentación, xa que son unha importante fonte de enerxía necesaria para que o noso corpo realice todas as súas funcións.
- Polo menos a metade dos cereais que consumas deben ser integrais porque teñen un alto contido nutritivo e de fibra máis elevado que os produtos refinados.
- Consume pan coas comidas. O pan incorpora sales minerais, fibras e vitaminas e achega menos calorías que outros alimentos (por exemplo os ricos en graxas e azucres).Coidado coas salsas que acompañan ao pan.
- Prepara pratos combinando cereais, legumes e verduras como lentellas con arroz, espinacas con garavanzos e patacas. As proteínas dos cereais complementadas coas dos legumes elevan o seu valor nutritivo.
- Toma máis bolería caseira tradicional que industrial xa que para a preparación desta última adóitanse utilizar graxas máis prexudiciais.