Xente con vida

Aprende a sentirte ben 12/05/2017

Que debemos saber sobre o aceite de palma?

Vota:
Resultado:
(3 votos)
Compartir:

PORTADA_XCV_61.jpg

Sabemos que a dieta é un factor determinante do noso estado de saúde. Debemos seguir un patrón alimentario variado e equilibrado, rico en alimentos de orixe vexetal e de orixe mariña, e moderado en produtos altamente enerxéticos e moi procesados.

Son estes últimos alimentos, os procesados, os que conteñen entre os seus ingredientes, aceite de palma, un aceite de orixe vexetal que contén case un 50% de ácidos graxos saturados.
O papel que se atribúe ás graxas da dieta no desenvolvemento e a prevención das enfermidades cardiovasculares e metabólicas fundaméntase en evidencias xurdidas de diversos tipos de estudos.

En primeiro lugar, estudos metabólicos sobre o efecto da inxesta de colesterol e de diferentes tipos de ácidos graxos (AG) sobre factores de risco cardiovascular, particularmente os niveis plasmáticos de lípidos e lipoproteínas.

En segundo lugar, estudos de prevalencia, incidencia ou mortalidade. Por último, ensaios clínicos por exemplo sobre o papel de diferentes tipos de AG na prevención cardiovascular primaria e secundaria. No momento actual hai consenso ao afirmar que a composición da graxa da dieta é máis importante que a cantidade total inxerida, destacando a redución do risco cardiovascular asociada ao consumo de ácidos graxos mono e poliinsaturados. Como demostra o estudo PREDIMED, o risco de ECV e a súa mortalidade asociada son máis baixos canto maior é a adherencia á dieta mediterránea que, entre outras características como a abundancia de produtos de orixe vexetal frescos ou minimamente procesados, é destacable o consumo de aceite de oliva como principal fonte de graxa.

O aceite de palma é un aceite de orixe vexetal que se obtén do mesocarpio da froita da palma Elaeis guineensis. É unha das maiores fontes de consumo mundial de aceites e a súa gran demanda de produción está a incidir negativamente na conservación de bosques e selvas tropicais, deixando sen fogar a moitos animais como é o caso do orangután de Borneo, que se atopa en perigo de extinción.

O aceite de palma virxe (sen refinar, o que conserva a súa cor vermella) é unha fonte rica en beta-carotenos que se transforman en vitamina A no intestino delgado. Con todo, o aceite de palma que se comercializa é sometido a un proceso de refinado que remove esta cor avermellada e consecuentemente provoca a perda dos carotenos e por tanto, das súas propiedades antioxidantes.

Se o comparamos con outros aceites vexetais do mercado, o aceite de palma ten un contido máis alto en graxas saturadas (aproximadamente un 50% das graxas presentes no aceite de palma son saturadas). O consumo prolongado e regular deste tipo de graxas provoca un aumento do colesterol LDL en sangue “colesterol malo”, o que duplica o risco de sufrir enfermidades cardiovasculares. No procesado industrial de certos aceites, fórmanse ácidos graxos "trans" (AGT) que tense relacionado con certos efectos negativos para a saúde cardiovascular. Por isto, é recomendable evitar no posible este tipo de graxas ou polo menos non exceder o 1 % das calorías totais.

Por tanto, a pesar do seu uso estendido, desde o punto de vista nutricional non é unha opción saudable.

Onde atopamos o aceite de palma?

Desde un punto de vista alimentario, os produtos onde comunmente podemos atopar este aceite como un dos seus ingredientes son os seguintes: bolería, tortas, galletas e pasteis, coberturas e cremas, produtos untables (cremas de cacao e margarinas), produtos precociñados (pizzas, patacas fritas, alimentos empanados, aperitivos e chips salgados). En definitiva, e como recomendacións xerais, e posto que parece pouco probable eliminar a graxa saturada dunha dieta nutricionalmente equilibrada, o máis aconsellable sería manter un consumo o máis baixo posible da mesma (< 7%), tratar de eliminar ou reducir ao mínimo a inxesta de AGT e estimular a inxesta de graxa monoinsaturada e ácidos graxos esenciais, particularmente os AG omega 3.

FONTES

  • Aecosan (Agencia Española de Consumo, Seguridad alimentaria y nutrición).

Deixa un comentario



 

¿Coñeces o teu índice de masa corporal (IMC)?​​

Os comités internacionais de expertos, recomendan o emprego do Índice de Masa Corporal (IMC) como un indicador orientativo do estado nutricional. Introducindo o teu peso e talla poderás coñecer o teu, e descubrir o nosos consellos saudables individualizados para ti.​​

Introduce os teus datos e calcula o teu IMC:

Kg.

m.


< voltar
O teu IMC é:
A OMS (Organización Mundial da Saúde)
establece como categoría do teu IMC:
BAIXO PESO​
​​
Sería convinte subir de peso cara ó rango de normopeso, xa que, contrariamente ó que moita xente pensa, o baixo peso pode ter consecuencias graves para a saúde.

< voltar
O teu IMC é:
A OMS (Organización Mundial da Saúde)
establece como categoría do teu IMC:
NORMOPESO​​
Tenta manter o teu peso actual, xa que te atopas nun peso adecuado para a túa estatura e, sobre todo, procura que os teus hábitos de dieta e exercicio físico sexan saudables.

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO I
Se o teu peso é estable, non padeces ningunha enfermidade asociada á obesidade e non se te acumula graxa no abdome, non é un sobrepeso preocupante. Podes manterte neste peso ou baixar cara un normopeso (IMC = 8,5 – 24,9), sempre e cando manteñas uns hábitos saudables de dieta e exercicio físico. Se algún dos anteriores puntos está presente, pola túa saúde aconsellámoste que perdas uns kilos ata situarte dentro do rango de normopeso.​
​​

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO II​
​​
Se o teu peso é estable, non padeces ningunha enfermidade asociada á obesidad e non se te acumula graxa no abdome, non é un sobrepeso preocupante. Poder manterte neste peso ou baixar cara normopeso, sempre e cando teñas uns hábitos saudables de dieta e exercicio físico. Se algún dos anteriores puntos está presente, aconsellámoste baixar entre un 5 e un 10% o teu peso, para poder mellorar o teu estado de saúde.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE I​
​​
A obesidade é unha enfermidade crónica que implica un exceso de grasa corporal e un incremento no risco de padecer certas enfermidades e trastornos fisiolóxicos, como a hipertensión arterial, diabetes e dislipemias, entre outras. Se xa padeces algunha enfermidade relacionada coa obesidade, ou se che acumula graxa no abdome, aconsellámoste que baixes de peso, alomenos un 10%. Así, poderás incluir novos hábitos saudables que axudarán a mellorar as patoloxías asociadas á obesidade. Se aínda non padeces estes síntomas, para previr posibles problemas de saúde, recomendámosche baixar de peso entre un 5 e un 10%, e coidar os teus hábitos alimentarios e de práctica regular de exercicio físico.

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE II​
​​
A obesidade é unha enfermidade crónica que implica un exceso de grasa corporal. E, neste caso, habitualmente vai acompañada dalgunha enfermidade asociada. Se é así, por razons de saúde, é necesario baixar de peso entre un 20 e un 30%, tendo en conta as patoloxías que poidan relacionarse coa obesidade. Así mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida. Se, por sorte aínda non padeces algunha enfermidade relacionada coa obesidade e non se che acumula graxa no abdome, comeza baixando un 10% de peso, sen esquecerte da importancia duns bos hábitos.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE III​
​​
A obesidade é unha enfermidade crónica que implica un exceso de graxa corporal. E, neste caso, habitualmente vai acompañada dalgunha enfermidade asociada. Por razons de saúde, é necesario baixar de peso entre un 20 e un 30% do teu peso actual, tendo en conta as patoloxías que poden relacionarse coa obesidade. Asi mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida.