Xente con vida

Aprende a sentirte ben 24/05/2017

Recomendacións xerais de alimentación saudable (adultos de 18 a 64 anos).

Vota:
Resultado:
(2 votos)
Compartir:

ART_57_PORTADA.png

O estilo de vida, é decir, o conxunto de costumes ou comportamentos habituais que determinan a forma na que vivimos, é un dos factores que máis inflúen na saúde.

Non debes esquecer que, unha forma de vivir saudablemente engloba todos os seguintes ámbitos:
  • Alimentación equilibrada.

  • Actividade física regular.

  • Manter o peso dentro de límites normais.

  • Evitar o consumo de alcohol, tabaco e outras drogas.

  • Durmir o tempo suficiente.

  • Reducir o estrés.

  • Buscar a atención dos profesionais sanitarios e seguir os seus consellos.

  • Se é o teu caso, tomar axeitadamente a medicación prescrita.

  • Realizar as actividades preventivas recomendadas para cada grupo de idade, como a vacinación antigripal ou as revisións xinecolóxicas.

  • Manter normas de hixiene para previr enfermidades (aseo persoal diario, lavar con frecuencia as mans, poñer a man diante ao tusir, etc).

ART_57_IMAGEN_1_GAL.png

    Co obxecto de mellorar a función cardiovascular, promover o benestar dixestivo, contribuir á conservación da masa ósea e favorecer ao mantemento do peso dentro dos límites normais, as recomendacións xerais son:
    • Toma polo menos tres froitas ao día, unha delas rica en vitamina C (laranxa, limón, mandarina, kiwi, etc). Consume, ademais, dúas racións de verduras ao día, preferiblemente en cru e mesturando vexetais de moitas cores, e unha ou dúas racións de legumes á semana.

    • Acompaña as túas comidas de pan, arroz, e pasta de variedade integral. Combina legumes e cereais no mesmo prato, posto que, o valor nutritivo é moito maior.

    • Consume entre tres e catro racións de peixe á semana, polo menos dúas delas azul (xarda, xurelo, sardiña, atún, salmón, etc) e prepárao preferiblemente á prancha, ao forno, en papillote ou ao vapor.

    • Usa aceite de oliva para cociñar e aliñar.

    • Bebe de dous a tres litros de auga ao día para manter niveis axeitados de hidratación.

    • Diminúe o consumo de sal, así como, o consumo de azucres provintes de bebidas refrescantes, lambetadas e pasteis.

    Ademais, se es muller lembra que:
    • O calcio, a vitamina D e os paseos o aire libre son indispensables para manter os ósos sans. Recorda que o pico de masa ósea alcánzase preto dos 20 anos, polo que é fundamental asegurar unha inxesta axeitada antes desta idade para previr nun futuro a osteoporose.

    • Os alimentos ricos en calcio son todos os derivados lácteos, as améndoas, o brócoli e as espinacas.

    • Ao longo da etapa fértil, pode haber estados de deficiencia de ferro.

    • Toma carne, peixe e moluscos, alimentos ricos neste nutriente.

    • Ten en conta que a vitamina C aumenta a absorción de ferro se se toma na mesma comida, polo que, toma laranxas de postre ou engade limón aos mexillóns, por exemplo.

    FONTES

    Equipo de Xente con vida

    Deixa un comentario



     

    ¿Coñeces o teu índice de masa corporal (IMC)?​​

    Os comités internacionais de expertos, recomendan o emprego do Índice de Masa Corporal (IMC) como un indicador orientativo do estado nutricional. Introducindo o teu peso e talla poderás coñecer o teu, e descubrir o nosos consellos saudables individualizados para ti.​​

    Introduce os teus datos e calcula o teu IMC:

    Kg.

    m.


    < voltar
    O teu IMC é:
    A OMS (Organización Mundial da Saúde)
    establece como categoría do teu IMC:
    BAIXO PESO​
    ​​
    Sería convinte subir de peso cara ó rango de normopeso, xa que, contrariamente ó que moita xente pensa, o baixo peso pode ter consecuencias graves para a saúde.

    < voltar
    O teu IMC é:
    A OMS (Organización Mundial da Saúde)
    establece como categoría do teu IMC:
    NORMOPESO​​
    Tenta manter o teu peso actual, xa que te atopas nun peso adecuado para a túa estatura e, sobre todo, procura que os teus hábitos de dieta e exercicio físico sexan saudables.

    < voltar
    O teu IMC é:
    A OMS (Organización Mundial da Saúde)
    establece como categoría do teu IMC:
    SOBREPESO I
    Se o teu peso é estable, non padeces ningunha enfermidade asociada á obesidade e non se te acumula graxa no abdome, non é un sobrepeso preocupante. Podes manterte neste peso ou baixar cara un normopeso (IMC = 8,5 – 24,9), sempre e cando manteñas uns hábitos saudables de dieta e exercicio físico. Se algún dos anteriores puntos está presente, pola túa saúde aconsellámoste que perdas uns kilos ata situarte dentro do rango de normopeso.​
    ​​

    < voltar
    O teu IMC é:
    A OMS (Organización Mundial da Saúde)
    establece como categoría do teu IMC:
    SOBREPESO II​
    ​​
    Se o teu peso é estable, non padeces ningunha enfermidade asociada á obesidad e non se te acumula graxa no abdome, non é un sobrepeso preocupante. Poder manterte neste peso ou baixar cara normopeso, sempre e cando teñas uns hábitos saudables de dieta e exercicio físico. Se algún dos anteriores puntos está presente, aconsellámoste baixar entre un 5 e un 10% o teu peso, para poder mellorar o teu estado de saúde.​

    < voltar
    O teu IMC é:
    A OMS (Organización Mundial da Saúde)
    establece como categoría do teu IMC:
    OBESIDADE I​
    ​​
    A obesidade é unha enfermidade crónica que implica un exceso de grasa corporal e un incremento no risco de padecer certas enfermidades e trastornos fisiolóxicos, como a hipertensión arterial, diabetes e dislipemias, entre outras. Se xa padeces algunha enfermidade relacionada coa obesidade, ou se che acumula graxa no abdome, aconsellámoste que baixes de peso, alomenos un 10%. Así, poderás incluir novos hábitos saudables que axudarán a mellorar as patoloxías asociadas á obesidade. Se aínda non padeces estes síntomas, para previr posibles problemas de saúde, recomendámosche baixar de peso entre un 5 e un 10%, e coidar os teus hábitos alimentarios e de práctica regular de exercicio físico.

    < voltar
    O teu IMC é:
    A OMS (Organización Mundial da Saúde)
    establece como categoría do teu IMC:
    OBESIDADE II​
    ​​
    A obesidade é unha enfermidade crónica que implica un exceso de grasa corporal. E, neste caso, habitualmente vai acompañada dalgunha enfermidade asociada. Se é así, por razons de saúde, é necesario baixar de peso entre un 20 e un 30%, tendo en conta as patoloxías que poidan relacionarse coa obesidade. Así mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida. Se, por sorte aínda non padeces algunha enfermidade relacionada coa obesidade e non se che acumula graxa no abdome, comeza baixando un 10% de peso, sen esquecerte da importancia duns bos hábitos.​

    < voltar
    O teu IMC é:
    A OMS (Organización Mundial da Saúde)
    establece como categoría do teu IMC:
    OBESIDADE III​
    ​​
    A obesidade é unha enfermidade crónica que implica un exceso de graxa corporal. E, neste caso, habitualmente vai acompañada dalgunha enfermidade asociada. Por razons de saúde, é necesario baixar de peso entre un 20 e un 30% do teu peso actual, tendo en conta as patoloxías que poden relacionarse coa obesidade. Asi mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida.