Se estás embarazada e fumas, pide axuda ao teu profesional sanitario de referencia, pode axudarche a deixalo
Deixar de fumar é sempre a mellor decisión para a nosa saúde, pero especialmente se somos mulleres e estamos embarazadas. O tabaco non só fai dano á sáude da muller senon tamén á do bebé. Tamén debemos ter en conta que antes do embarazo, deixar de fumar aumenta as posibilidades de conseguilo.
Durante o embarazo, a maioría das mulleres preocúpanse máis da súa saúde e do seu bebé, polo que hai tendencia a eliminar as situacións de risco (coller pesos, subirse a alturas…) e a reducir o consumo de sustancias tóxicas, como tabaco, alcohol e café.
A principal razón para deixar de fumar é coidarse a unha mesma, non ten sentido perder anos e calidade de vida. Pero reducir o consumo de tabaco non é suficiente: ¡5-6 cigarros tamén fan dano!.
-
Non existe un nivel seguro de consumo, nin de exposición ao fume do tabaco. Fumar “pouco” segue sendo un risco para a túa saúde e a do teú bebé.
-
Os cigarros baixos en nicotina son igualmente perxudiciais para a saúde, xa que téndese a dar caladas máis profundas ou a aumentar o número de cigarros coa finalidade de chegar aos niveis de nicotina aos que se está acostumado.
-
É máis doado deixar de fumar que manter a redución.
Se ti fumas, o teu bebé tamén fuma, xa que depende exclusivamente de ti. Con cada calada, a nicotina e outros compostos do cigarro chegan ao feto, e fan que a súa respiración sexa máis lenta e o seu corazón latexe máis rápido, chegándolle menos osíxeno e dificultando o seu crecemento normal.
Ao deixar de fumar disminúe o risco de presentar:
-
Aborto espontáneo (pérdida do bebé).
-
Parto prematuro, que xeralmente acompáñase de inmadurez fetal.
-
Alteracións na placenta: desprendemento placentario, que da lugar a hemorraxias.
-
Malformacións conxénitas e morte fetal ou perinatal.
Se ti non fumas, o teu fillo ou filla terá menos risco de presentar peso baixo ao nacer, inmadurez pulmonar ou taquicardia fetal (ao chegarlle menos osíxeno, o seu corazón ten que traballar mais), que poden deixar secuelas na vida adulta.
Durante a lactación, a nicotina pasa ao leite materno e dálle mal sabor, polo que o neno pode rexeitalo. Ademais, fumar acurta o período de lactación e a produción de leite é máis escasa. Tamén pode producir:
Vantaxes de deixar de fumar:
-
Mellorará a túa saúde e a do teu fillo ou filla, a túa calidade de vida, o aspecto da túa pel, o teu gusto e olfacto, e aforrarás cartos cos que poderás ter algún capricho.
-
Os teus fillos ou fillas terán menos risco de padecer síndrome de morte súbita durante o primeiro ano de vida, déficit de atención ou hiperactividade; catarros, bronquite, asma, pneumonías e otites; faltarán menos á escola e terán máis facilidades no seu proceso de aprendizaxe.
-
Será un exemplo positivo para os teus. Lembra que os nenos e nenas imitan os comportamentos, opinións, valores e actitudes dos adultos. De feito, os fillos de pais e/ou nais fumadores teñen máis do dobre de posibilidades de converterse en fumadores.
-
Continuar sen fumar é o mellor que podes facer por ti mesma e polo teu bebé. Serás un exemplo positivo para o teu fillo ou filla. Sentiraste con máis enerxía, con menos problemas de saúde, aforrarás cartos e sentiraste orgullosa do teu éxito.
Mantente en contacto permanente cos teus profesionais sanitarios de referencia e fala igualmente co teu profesional que atende ao teu bebé sobre as formas e os mellores métodos para manterte afastada do tabaco despois de que naza o teu fillo ou filla.
FONTES
Equipo de Xente con vida