Xente con vida

Aprende a sentirte ben 19/03/2012

A auga e o requirimento de líquidos

Vota:
Resultado:
(0 votos)
Compartir:
A auga é un compoñente esencial para a vida e o maioritario do corpo humano. O requirimento de líquidos e o contido en auga dos alimentos son algúns temas que trataremos a continuación.
Sal
A auga e o requirimento de líquidos
  • A auga representa entre o 50 ao 70% do peso corporal total.
  • Un consumo axeitado de auga axuda a previr o estrinximento e a normalizar o tránsito intestinal.
  • Non hai que esperar a ter sede para beber.
  • Ás persoas de idade avanzada hai que ofrecerlles auga con frecuencia.

A auga é un compoñente esencial para a vida e o maioritario do corpo humano. Representa entre o 50 ao 70% do peso corporal total. Unha correcta hidratación e o equilibrio hídrico entre a achega e o gasto de auga corporal é un factor fundamental para un óptimo estado de saúde.

Os requirimentos de líquidos están determinados polo nivel de actividade física, o estado de saúde, o consumo de fármacos, o consumo de alcohol ou a temperatura do ambiente. Normalmente, unha persoa adulta (sen exercicio) require unha achega de auga de 2,5 litros que obtén dos líquidos que inxire, da que conteñen os alimentos e da que se forma no seu propio organismo.

As froitas e as verduras conteñen moita auga

O contido en auga dos alimentos é moi variable. As froitas e as verduras conteñen moita auga. Un consumo axeitado de auga axuda a previr o estrinximento e a normalizar o tránsito intestinal.

Os nenos, as mulleres embarazadas, os anciáns ou os enfermos pódense deshidratar con maior facilidade. O sinal de sede aparece cando xa hai certo grao de deshidratación. Non hai que esperar a ter sede para beber.

imagen chico bebiendo un vaso de agua

Durante o exercicio, a perda de auga e electrólitos pola suor é unha causa de "fatiga". A medida que avanza a idade, altérase a sensación de sede, por iso aos anciáns hai que ofrecerlles auga con frecuencia.

As bebidas refrescantes azucradas constitúen unha achega calorífica extra que debemos evitar. Moitas das bebidas deste tipo son de consumo habitual entre a poboación infantil e xuvenil e nalgúns casos desprazaron o consumo de leite necesario neste grupo poboacional.

Se queres coñecer a calidade da auga da túa localidade: Preme aquí: Sistema de Información Nacional del agua de consumo (SINAC)

Publicacións relacionadas que poden interesarte:
Deixa un comentario



 

¿Coñeces o teu índice de masa corporal (IMC)?​​

Os comités internacionais de expertos, recomendan o emprego do Índice de Masa Corporal (IMC) como un indicador orientativo do estado nutricional. Introducindo o teu peso e talla poderás coñecer o teu, e descubrir o nosos consellos saudables individualizados para ti.​​

Introduce os teus datos e calcula o teu IMC:

Kg.

m.


< voltar
O teu IMC é:
A OMS (Organización Mundial da Saúde)
establece como categoría do teu IMC:
BAIXO PESO​
​​
Sería convinte subir de peso cara ó rango de normopeso, xa que, contrariamente ó que moita xente pensa, o baixo peso pode ter consecuencias graves para a saúde.

< voltar
O teu IMC é:
A OMS (Organización Mundial da Saúde)
establece como categoría do teu IMC:
NORMOPESO​​
Tenta manter o teu peso actual, xa que te atopas nun peso adecuado para a túa estatura e, sobre todo, procura que os teus hábitos de dieta e exercicio físico sexan saudables.

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO I
Se o teu peso é estable, non padeces ningunha enfermidade asociada á obesidade e non se te acumula graxa no abdome, non é un sobrepeso preocupante. Podes manterte neste peso ou baixar cara un normopeso (IMC = 8,5 – 24,9), sempre e cando manteñas uns hábitos saudables de dieta e exercicio físico. Se algún dos anteriores puntos está presente, pola túa saúde aconsellámoste que perdas uns kilos ata situarte dentro do rango de normopeso.​
​​

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO II​
​​
Se o teu peso é estable, non padeces ningunha enfermidade asociada á obesidad e non se te acumula graxa no abdome, non é un sobrepeso preocupante. Poder manterte neste peso ou baixar cara normopeso, sempre e cando teñas uns hábitos saudables de dieta e exercicio físico. Se algún dos anteriores puntos está presente, aconsellámoste baixar entre un 5 e un 10% o teu peso, para poder mellorar o teu estado de saúde.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE I​
​​
A obesidade é unha enfermidade crónica que implica un exceso de grasa corporal e un incremento no risco de padecer certas enfermidades e trastornos fisiolóxicos, como a hipertensión arterial, diabetes e dislipemias, entre outras. Se xa padeces algunha enfermidade relacionada coa obesidade, ou se che acumula graxa no abdome, aconsellámoste que baixes de peso, alomenos un 10%. Así, poderás incluir novos hábitos saudables que axudarán a mellorar as patoloxías asociadas á obesidade. Se aínda non padeces estes síntomas, para previr posibles problemas de saúde, recomendámosche baixar de peso entre un 5 e un 10%, e coidar os teus hábitos alimentarios e de práctica regular de exercicio físico.

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE II​
​​
A obesidade é unha enfermidade crónica que implica un exceso de grasa corporal. E, neste caso, habitualmente vai acompañada dalgunha enfermidade asociada. Se é así, por razons de saúde, é necesario baixar de peso entre un 20 e un 30%, tendo en conta as patoloxías que poidan relacionarse coa obesidade. Así mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida. Se, por sorte aínda non padeces algunha enfermidade relacionada coa obesidade e non se che acumula graxa no abdome, comeza baixando un 10% de peso, sen esquecerte da importancia duns bos hábitos.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE III​
​​
A obesidade é unha enfermidade crónica que implica un exceso de graxa corporal. E, neste caso, habitualmente vai acompañada dalgunha enfermidade asociada. Por razons de saúde, é necesario baixar de peso entre un 20 e un 30% do teu peso actual, tendo en conta as patoloxías que poden relacionarse coa obesidade. Asi mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida.