A nutrición engloba unha serie de
procesos a través dos cales o organismo, unha vez dixeridos os
alimentos, utiliza os nutrientes para realizar as súas funcións
vitais. Estes procesos son involuntarios.
Os nutrientes (vitaminas, graxas, proteínas) son sustancias
químicas contidas nos alimentos e que ao entrar na circulación
sanguínea utilízanse para realizar funcións vitais como aportar a
enerxía necesaria, formar e manter as estruturas corporais ou
regular os procesos metabólicos. Aínda que cada un deles cumpre
moitas funcións, soen estar "especializados". Por exemplo, as
proteínas son as encargadas de formar as estruturas corporais (p. o
óso) ou as vitaminas son capaces de regular moitas funcións
biolóxicas.
O home para manter a saúde necesita inxerir enerxía e
aproximadamente uns 50 nutrientes.
Os hidratos de carbono, os lípidos e
as proteínas son os nutrientes que se atopan en cantidades maiores
nos alimentos
Os hidratos de carbono, os lípidos e as proteínas son os
nutrientes que se atopan en cantidades maiores nos alimentos polo
que reciben o nome de macronutrientes. Polo contrario, os minerais e
as vitaminas, constitúen unha parte moi pequena, incluíndose baixo o
nome de micronutrientes. Sen embargo, todos eles son igualmente
importantes para o mantemento da saúde.
O organismo obtén a enerxía dos alimentos inxeridos a través da
oxidación dos hidratos de carbono, graxas, proteínas e alcohol. O
valor enerxético ou calórico dun alimento refírese á cantidade de
enerxía que se orixina cando é totalmente metabolizado.
En
termos de kilocalorías, a oxidación dos alimentos no organismo, ten
como valor medio o seguinte rendemento:
Concepto de nutriente "esencial"
O organismo humano non é capaz de sintetizar ("fabricar")
todos os compostos que necesita para o seu funcionamento, polo que
moitos deles deben ser achegados necesariamente pola dieta. É por
isto que reciben o nome de "nutrientes esenciais". Neste grupo
inclúense as vitaminas (por iso o seu nome deriva de "aminas
necesarias para a vida"), algúns ácidos graxos e algúns aminoácidos.
Repercusións dunha mala nutrición
A nutrición é unha das funcións vitais dun ser vivo. Por iso o
mantemento dunha dieta saudable, é o primeiro paso dun óptimo estado
nutricional, piar fundamental para un bo estado de saúde.
- O sistema inmunitario, a saúde dos nosos ósos, o estado
dos nosos dentes e a nosa pel ou o rendemento académico están moi
relacionados co noso estado nutricional.
- Mellorando a calidade da nosa dieta (tanto en calidade
como en cantidade) e sendo fisicamente activos axudamos a previr
moitas enfermidades como as cardiovasculares ou a obesidade.
- Os alimentos presentan ademais diversos compoñentes cun
efecto engadido por riba do seu valor nutricional e cun efecto
selectivo sobre una ou varias funcións do organismo relevante para
mellorar a saúde, o benestar ou reducir o risco de enfermar. Os
fitoquímicos ou os antioxidantes son exemplos destes compoñentes.
Fontes
Sociedad Española de Dietética
y Ciencias de la Alimentación (SEDCA) Fundación Española de la Nutrición
(FEN) Sociedad
Española de Nutrición Comunitaria (SENC)
Publicacións relacionadas que poden
interesarche