O ovo, como os alimentos de orixe
animal, ten colesterol entre os seus compoñentes, pero tamén achega
moitos nutrientes.
O ovo, como os alimentos de orixe animal, ten colesterol entre
os seus compoñentes, pero tamén achega moitos nutrientes.
A clara do ovo achega proteína de alto valor biolóxico.
A xema do ovo achega moitas vitaminas como A e D, nutriente
este último imprescindible e moi escaso na nosa dieta. Tamén
proporciona minerais como o selenio, o cinc, o ferro...
Os ovos conteñen tamén outras substancias como colina, luteína
ou zeaxantina que parecen xogar un papel na prevención
de certas enfermidades.
En persoas de idade avanzada con problemas para mastigar a
carne, a clara do ovo cocida no puré de verduras achega unha
proteína de excelente calidade.
Ollo coa maionesa "caseira" e o perigo de salmonela. É mellor
consumir a comercial.
O colesterol é unha substancia graxa natural presente en todas
as células do corpo humano necesaria para o normal funcionamento do
organismo. No pasado críase que o colesterol
que provén da dieta era o principal responsable do aumento do
colesterol plasmático, pero hoxe crese que son as graxas saturadas e
trans as principais responsables do dano vascular e que o colesterol
dietético ten un papel menor.
En resumo, o ovo, como os alimentos de orixe animal, ten
colesterol entre os seus compoñentes, pero tamén achega moitos
nutrientes. É por isto que o seu consumo non supón ningún risco en
persoas sas.
A Asociación Americana do corazón permite aos adultos sans un
consumo de ata 7 ovos á semana. Só os restrinxe en casos de
colesterol plasmático moi elevado.
Publicacións relacionadas que poden
interesarche: