Denomínase valor enerxético dun alimento á cantidade de enerxía que se libera cando é metabolizado. Exprésase en quilocalorías (kcal), aínda que coloquialmente usamos o termo "calorías" como sinónimo.
O noso organismo ten unhas necesidades "variables", que dependen da actividade física que realiza cada persoa, e necesidades enerxéticas "basais" (enerxía necesaria para manter todas as funcións vitais, aínda cando estamos en repouso ou durmindo, e que varían en función do sexo, a idade, a temperatura ambiente ou as enfermidades).
A enerxía subminístrase ao organismo por medio dos nutrientes contidos nos alimentos. E obtense da oxidación dos hidratos de carbono, as graxas e as proteínas que conteñen, e do alcohol.
Todos os alimentos subministran enerxía, aínda que a cantidade varía en función da concentración dos nutrientes que conteñen.
Inxestións de enerxía recomendadas
As necesidades enerxéticas que recolle a táboa están calculadas para unha actividade física moderada. Para un nivel de actividade física lixeiro, hai que reducir as recomendacións nun 10% e para un nivel elevado, hai que aumentalas un 20%.
As táboas de recomendacións por idades elaborounas o departamento de Nutrición da Universidade Complutense de Madrid. Foron publicadas en 2009, xunto ás táboas de composición de alimentos.
Artigos relacionados que poden interesarche: