Xente con vida

Aprende a sentirte ben 04/03/2016

Os aguacates, propiedades e beneficios

Vota:
Resultado:
(124 votos)
Compartir:
XCV_ART21_PORTADA  

Os aguacates son moi beneficiosos para a nosa saúde e poden ser consumidos de moitas maneiras: servidos en ensaladas, mesturados con carne, peixes, mariscos ou hortalizas, como alternativa saudable para a merenda... O aguacate ten un alto contido en graxa, a maior parte non saturada, polo tanto, o seu valor enerxético é relativamente elevado. A continuación aportámosche unhas ideas para que inclúas o aguacate nos teus menús.

Propiedades e beneficios do aguacate:

O aguacate é unha froita que resulta beneficiosa para a nosa saúde.

O contido en auga desta froita é menor ao atopado na maioría das froitas; por outra parte, a súa composición en graxas convértena nunha das froitas que aporta máis enerxía.

Dentro da composición graxa deste alimento, destaca o ácido oleico, compoñente relacionado de forma positiva coa saúde cardiovascular.

Ademais destaca pola súa riqueza en fibra, maioritariamente insoluble, favorecendo así o tránsito intestinal.

É rico en minerais como magnesio e potasio. Tamén aporta vitamina B6, importante para o funcionamento do sistema nervioso e vitaminas E, C e K, con capacidade antioxidante.

O aguacate axuda a reducir o colesterol total e a súa fracción coñecida como “colesterol malo”, así como os niveis de triglicéridos en sangue, posiblemente pola acción do ácido oleico e da fibra presente.

A nosa suxestión: tres receitas con aguacate

- Ensalada de aguacate, mexillóns e leituga con iogur aderezado.

Ingredientes (4 personas):

XCV_ART21_CIRCULO1_GAL.png
  • 250 g de mexillóns
  • 200 g de aguacate
  • 100 g de leituga
  • 1 iogur aderezado con zume de limón e aceite de oliva
  • 2 g de sal

Preparación:

Cortar en anacos cativos o aguacate, picar en xuliana a leituga e cocer os mexillóns. Mesturar todo e engadir o sal e o iogur aderezado con zume de limón e unhas pingas de aceite.

-Crema de aguacate e cabaciña

Ingredientes (4 personas):

XCV_ART21_CIRCULO2_GAL.png
  • 500 g de cabaciña
  • 2 aguacates maduros
  • 50 g de cebola
  • 1 porro (parte branca)
  • 2 dentes de allo
  • 500 mL de auga ou caldo vexetal natural
  • 125 mL de iogur natural
  • 20 g de queixo de ovella curado
  • 10 mL de aceite de oliva

Preparación:

Pelar e limpar a cebola, o allo e o porro. Cortar en xuliana e sofritir nunha cazola con aceite de oliva. Lavar as cabaciñas e cortar en dados deixando a pel. Unha vez feito o sofrito engadir a cabaciña e refogar todo xunto para despois cubrir con auga ou caldo vexetal natural.

Déixase cociñar a lume moderado e cando a verdura estea cocida, bótanse os aguacates (só a porción comestible) e o iogur natural para sometelo a un triturado posteriormente. Engadir sal e unha cullerada de aceite, remexer e deixar arrefriar.

Cando se queira consumir pódeselle botar de maneira sólida, queixo de ovella ou máis aguacate.

-Crema de aguacate para o panXCV_ART21_CIRCULO3_GAL.png

Ingredientes:

  • 1 tomate
  • 1 aguacate
  • Zume de lima
  • Coandro
Preparación: Triturar os ingredientes no batedor. Untar 2 tostadas de pan coa crema de aguacate como alternativa na merenda.

 

Lembra:

1. Consume 3 ou máis froitas ao día.

2. Toma froitas variadas e con distintas cores para garantir así un aporte nutritivo axeitado.

3. Procura tomar sempre froitas de tempada.

Fontes
  • Equipo Xente con Vida
​​​​​​​​
Comentarios (2 respostas)
  • Andrea o 06/03/2016 ás 01:34

    crema doce de aguacate: 3 aguacates 8 cucharadas azucar ( pode engadirse mais) 1 iogurt natural zume de 1 limon 1. Abrimos os aguacates e con una culler sacamos la pulpa e botamos nunha cunca. 2. Añadimos o iogurt e seguido azucar e zume de limon 3. Pasamoslle a batidor de brazo. 4. servimos e cuencos individuais e adornamos con folla menta ou o gusto. Esta receta admite mais azucar en funcion do gusto.

  • Julia o 04/03/2016 ás 20:17

    Gracias no conocía las propiedades del aguacate a mí me gustan un saludo Paz y Bien

Deixa un comentario



 

¿Coñeces o teu índice de masa corporal (IMC)?​​

Os comités internacionais de expertos, recomendan o emprego do Índice de Masa Corporal (IMC) como un indicador orientativo do estado nutricional. Introducindo o teu peso e talla poderás coñecer o teu, e descubrir o nosos consellos saudables individualizados para ti.​​

Introduce os teus datos e calcula o teu IMC:

Kg.

m.


< voltar
O teu IMC é:
A OMS (Organización Mundial da Saúde)
establece como categoría do teu IMC:
BAIXO PESO​
​​
Sería convinte subir de peso cara ó rango de normopeso, xa que, contrariamente ó que moita xente pensa, o baixo peso pode ter consecuencias graves para a saúde.

< voltar
O teu IMC é:
A OMS (Organización Mundial da Saúde)
establece como categoría do teu IMC:
NORMOPESO​​
Tenta manter o teu peso actual, xa que te atopas nun peso adecuado para a túa estatura e, sobre todo, procura que os teus hábitos de dieta e exercicio físico sexan saudables.

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO I
Se o teu peso é estable, non padeces ningunha enfermidade asociada á obesidade e non se te acumula graxa no abdome, non é un sobrepeso preocupante. Podes manterte neste peso ou baixar cara un normopeso (IMC = 8,5 – 24,9), sempre e cando manteñas uns hábitos saudables de dieta e exercicio físico. Se algún dos anteriores puntos está presente, pola túa saúde aconsellámoste que perdas uns kilos ata situarte dentro do rango de normopeso.​
​​

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO II​
​​
Se o teu peso é estable, non padeces ningunha enfermidade asociada á obesidad e non se te acumula graxa no abdome, non é un sobrepeso preocupante. Poder manterte neste peso ou baixar cara normopeso, sempre e cando teñas uns hábitos saudables de dieta e exercicio físico. Se algún dos anteriores puntos está presente, aconsellámoste baixar entre un 5 e un 10% o teu peso, para poder mellorar o teu estado de saúde.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE I​
​​
A obesidade é unha enfermidade crónica que implica un exceso de grasa corporal e un incremento no risco de padecer certas enfermidades e trastornos fisiolóxicos, como a hipertensión arterial, diabetes e dislipemias, entre outras. Se xa padeces algunha enfermidade relacionada coa obesidade, ou se che acumula graxa no abdome, aconsellámoste que baixes de peso, alomenos un 10%. Así, poderás incluir novos hábitos saudables que axudarán a mellorar as patoloxías asociadas á obesidade. Se aínda non padeces estes síntomas, para previr posibles problemas de saúde, recomendámosche baixar de peso entre un 5 e un 10%, e coidar os teus hábitos alimentarios e de práctica regular de exercicio físico.

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE II​
​​
A obesidade é unha enfermidade crónica que implica un exceso de grasa corporal. E, neste caso, habitualmente vai acompañada dalgunha enfermidade asociada. Se é así, por razons de saúde, é necesario baixar de peso entre un 20 e un 30%, tendo en conta as patoloxías que poidan relacionarse coa obesidade. Así mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida. Se, por sorte aínda non padeces algunha enfermidade relacionada coa obesidade e non se che acumula graxa no abdome, comeza baixando un 10% de peso, sen esquecerte da importancia duns bos hábitos.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE III​
​​
A obesidade é unha enfermidade crónica que implica un exceso de graxa corporal. E, neste caso, habitualmente vai acompañada dalgunha enfermidade asociada. Por razons de saúde, é necesario baixar de peso entre un 20 e un 30% do teu peso actual, tendo en conta as patoloxías que poden relacionarse coa obesidade. Asi mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida.