A froita engorda máis se a tomamos despois de comer? As froitas teñen propiedades diuréticas ou "queima graxa"? Hai varios mitos arredor do consumo de froitas que convén aclarar e desmentir.
- FALSO: Algunhas froitas teñen propiedades "queima graxa" ou diuréticas.
- FALSO: A froita engorda se se toma a determinadas horas.
- FALSO: A froita que tomamos despois de comer fermenta no estómago.
- FALSO: Mezclar varios tipos de froita nunha única comida non é saudable.
- FALSO: A froita pola noita causa indixestión.
Mito: Algunhas froitas posúen propiedades "queima graxa" ou diuréticas
Non está demostrado que a froita estea relacionada directamente coa perda de graxa.
Se incorporamos a froita no menú diario e con ela substituímos outros alimentos máis caloríficos (barriñas enerxéticas a media mañá, por exemplo) ou reducimos o tamaño das porcións que consumimos (a fibra da froita ten poder saciante), conseguiremos reducir o número de calorías e, polo tanto, manter un peso saudable.
Por outra parte, o contido en auga depende do tipo de froita e do seu estado de maduración, pero non está relacionado cun efecto diurético no noso organismo.
Mito: A froita engorda se se toma a determinadas horas
A achega calórica dos alimentos é a mesma, con independencia da hora na que os tomemos.
A idea principal do uso da froita para o control do peso vén dada polo seu alto contido en auga e fibra. As froitas axudan a controlar o que comemos se as tomamos, por exemplo, antes das comidas principais. Entre as comidas, o consumo de froitas evita que merendemos outro tipo de alimentos que poderían ser menos saudables ou que acheguen máis calorías das que necesitamos.
O que causa un problema de sobrepeso é a relación que existe entre o tamaño das porcións que consumimos, a calidade nutricional dos alimentos que compoñen a nosa dieta e o nivel de actividade que temos durante o día. A regulación deste sistema, este triángulo, axuda a previr a deterioración da nosa saúde.
Mito: A froita que tomamos despois de comer fermenta no estómago
Os alimentos inxeridos nunha comida mestúranse no estómago, sen importar se tomamos a froita antes ou despois. A froita mestúrase co resto dos alimentos. A dixestión é un proceso global e simultáneo. A fermentación dos restos da froita sucede no intestino grazas á acción das bacterias responsables da súa dixestión.
As persoas co estómago máis sensible ou delicado si poden ter dixestións pesadas ou certo malestar cando toman a froita durante as comidas (ben antes ou ben de sobremesa). A este grupo de persoas si se lles recomenda tomala entre horas, xa que o malestar non se debe polo consumo específico de froita.
Mito: Os nutrientes da froita non se absorben cuando a mesturamos con outros alimentos
É certo que a absorción dos nutrientes da froita non é tan rápida cando se toma con outros alimentos, como o sería se se consumise soa, pero tomándoa soa, as persoas susceptibles poderían xerar gases intestinais pola fermentación dos seus residuos a nivel intestinal, situación que se evita utilizando a froita como acompañante doutras comidas.
É diferente dicir que, cando se toma a froita entre horas, sen compañía de ningún outro alimento, se poden absorber mellor algunhas vitaminas que, en compañía doutras substancias, poderían non absorberse.
Mito: Mesturar varios tipos de froita nunha única comida non é saudable
Non hai evidencia científica que indique que mesturar froitas doces e ácidas, ou calquera outra variedade, interfira na dixestión ou na absorción dos nutrientes.
Cando preparemos unha macedonia ou toremos a froita para a súa consumición, é preferible tomala canto antes para evitar o seu escurecemento, produto da oxidación do alimento ao expoñela ao aire.
Mito: A froita pola noite causa indixestión
Este mito ten a súa orixe nunha verdade: O consumo de auga en grandes cantidades, despois de comer dilúe os ácidos estomacais que están en pleno proceso dixestivo, o que provoca unha dixestión máis longa e "pesada". Nalgúns casos asóciase ese consumo de auga co consumo de froitas como o melón ou a sandía (de alto contido en auga) despois da cea. Teríase que inxerir unha gran cantidade de froita para producir ese efecto por si soa.