Xente con vida

Nenos e mozos 09/06/2014

Beneficios da actividade física en nenos e mozos

Vota:
Resultado:
(6 votos)
Compartir:
Nos nenos e adolescentes de entre 5 e 17 anos, a práctica regular de actividade física moderada ou vigorosa contribúe un óptimo desenvolvemento do seu corpo, prevén enfermidades tanto na adolescencia coma na vida adulta, favorece o rendemento cognitivo e promove a socialización.
beneficios actividade física en nenos  
Por que deben practicar actividade física a diario?

A práctica regular de actividade física en nenos e adolescentes de entre 5 e 17 anos reporta beneficios fundamentais para a súa saúde, contribuíndo a:

• Mellorar a condición física cardiorrespiratoria.

• Desenvolver ósos, músculos e articulacións saudables.

• Mellorar e manter os marcadores de saúde cardiovascular e metabólicos.

• Mellorar a composición corporal, mantendo un peso corporal saudable.

• Mellorar o control do sistema neuromuscular (coordinación e control dos movementos).

• Mellorar o rendemento cognitivo e favorecer a aprendizaxe.

A actividade física tamén se asocia con efectos psicolóxicos beneficiosos nos nenos e mozos, grazas a un mellor control da ansiedade e a depresión.

Así mesmo, a actividade física pode contribuír ao desenvolvemento social dos mozos, dándolles a oportunidade de expresarse e fomentando a autoconfianza, a interacción social e a integración.

Os mozos activos poden adoptar con máis facilidade outros comportamentos saudables, como evitar o consumo de tabaco, alcohol e drogas, e teñen mellor rendemento escolar.

Comentarios (1 respostas)
  • Diana o 12/12/2015 ás 09:02

    Ben falado. Engadiría que para acadar todos os beneficios citados é moi importante a supervisión de persoal cualificado durante todo o proceso, médicos deportivos que revisen que os rapaces non padezan patoloxías e Licenciados na actividade física e o deporte que axuden a nenas e nenos a acadaros seus obxectivos coa máxima seguridade. Noraboa.

Deixa un comentario



 

¿Coñeces o teu índice de masa corporal (IMC)?​​

Os comités internacionais de expertos, recomendan o emprego do Índice de Masa Corporal (IMC) como un indicador orientativo do estado nutricional. Introducindo o teu peso e talla poderás coñecer o teu, e descubrir o nosos consellos saudables individualizados para ti.​​

Introduce os teus datos e calcula o teu IMC:

Kg.

m.


< voltar
O teu IMC é:
A OMS (Organización Mundial da Saúde)
establece como categoría do teu IMC:
BAIXO PESO​
​​
Sería convinte subir de peso cara ó rango de normopeso, xa que, contrariamente ó que moita xente pensa, o baixo peso pode ter consecuencias graves para a saúde.

< voltar
O teu IMC é:
A OMS (Organización Mundial da Saúde)
establece como categoría do teu IMC:
NORMOPESO​​
Tenta manter o teu peso actual, xa que te atopas nun peso adecuado para a túa estatura e, sobre todo, procura que os teus hábitos de dieta e exercicio físico sexan saudables.

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO I
Se o teu peso é estable, non padeces ningunha enfermidade asociada á obesidade e non se te acumula graxa no abdome, non é un sobrepeso preocupante. Podes manterte neste peso ou baixar cara un normopeso (IMC = 8,5 – 24,9), sempre e cando manteñas uns hábitos saudables de dieta e exercicio físico. Se algún dos anteriores puntos está presente, pola túa saúde aconsellámoste que perdas uns kilos ata situarte dentro do rango de normopeso.​
​​

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO II​
​​
Se o teu peso é estable, non padeces ningunha enfermidade asociada á obesidad e non se te acumula graxa no abdome, non é un sobrepeso preocupante. Poder manterte neste peso ou baixar cara normopeso, sempre e cando teñas uns hábitos saudables de dieta e exercicio físico. Se algún dos anteriores puntos está presente, aconsellámoste baixar entre un 5 e un 10% o teu peso, para poder mellorar o teu estado de saúde.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE I​
​​
A obesidade é unha enfermidade crónica que implica un exceso de grasa corporal e un incremento no risco de padecer certas enfermidades e trastornos fisiolóxicos, como a hipertensión arterial, diabetes e dislipemias, entre outras. Se xa padeces algunha enfermidade relacionada coa obesidade, ou se che acumula graxa no abdome, aconsellámoste que baixes de peso, alomenos un 10%. Así, poderás incluir novos hábitos saudables que axudarán a mellorar as patoloxías asociadas á obesidade. Se aínda non padeces estes síntomas, para previr posibles problemas de saúde, recomendámosche baixar de peso entre un 5 e un 10%, e coidar os teus hábitos alimentarios e de práctica regular de exercicio físico.

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE II​
​​
A obesidade é unha enfermidade crónica que implica un exceso de grasa corporal. E, neste caso, habitualmente vai acompañada dalgunha enfermidade asociada. Se é así, por razons de saúde, é necesario baixar de peso entre un 20 e un 30%, tendo en conta as patoloxías que poidan relacionarse coa obesidade. Así mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida. Se, por sorte aínda non padeces algunha enfermidade relacionada coa obesidade e non se che acumula graxa no abdome, comeza baixando un 10% de peso, sen esquecerte da importancia duns bos hábitos.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE III​
​​
A obesidade é unha enfermidade crónica que implica un exceso de graxa corporal. E, neste caso, habitualmente vai acompañada dalgunha enfermidade asociada. Por razons de saúde, é necesario baixar de peso entre un 20 e un 30% do teu peso actual, tendo en conta as patoloxías que poden relacionarse coa obesidade. Asi mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida.