O almorzo debe ser unha das 3 comidas principais do día, xa que os nenos levan unhas dez horas sen tomar alimentos. Segue lendo e saberás que ingredientes necesita un bo almorzo.
O almorzo debe ser unha das 3 comidas principais do día, xa que os nenos levan unhas dez horas sen tomar alimentos. Unha inxestión insuficiente neste momento desestabiliza as sucesivas comidas ao longo do día. Do 20 ao 30% de todas as calorías que inxerimos ao día, deberían ser achegadas polo almorzo.
Un almorzo completo debe conter: Froita, lácteos e cereais; tempo e compañía.
- Froita: Recoméndase unha peza de froita variada de diferentes cores e, no posible variando a súa presentación. A peza de froita enteira contén fibra e compostos “bioactivos”. O zume de laranxa contén menos fibra e debe ser unha opción máis e non a única da oferta de froita no almorzo..
- Lácteos: O almorzo aporta a maioría do calcio necesario, polo seu contido en alimentos lácteos ricos neste mineral. Ao suprimir o almorzo, será moi difícil conseguir que o neno inxira todo o calcio que necesita. Este mineral é imprescindible nos nenos pois o inxerido ata os 20 anos será determinante na saúde ósea na vida adulta. Polo xeral recoméndase o consumo de leite enteira na idade infantil ou adolescente. En casos especiais, o pediatra prescribirá outros tipos de lácteos.
- Cereais: Son ricos en hidratos de carbono complexos ou de absorción “lenta”, que nos proporcionan a enerxía necesaria ao longo de toda a xornada escolar ou laboral. Por iso aconsellamos o pan integral, abundante ademais en fibra e vitaminas, os cereais do almorzo elixindo aqueles con menos sal, graxas e azucres engadidos ou a repostería caseira. Debemos evitar la panadería e bolería industrial, sobre todo cando descoñecemos o seu contido en graxas saturadas e trans.
Ademais, poden incorporarse outros alimentos como o aceite ou o xamón segundo o gusto do neno.
- Tempo: Debemos respectar SEMPRE os horarios de comidas e de sono dos nenos. É importante organizarse para ofrecerlles o antes posible unha merenda lixeira para cear pronto e esperar entre 1 ou 2 horas antes de irse para a cama. Despois de 8-10 horas de sono, o neno estará preparado para realizar un almorzo completo.
- Compañía: Se o fai só, posiblemente comerá menos ou será “selectivo” co que máis lle guste. O reforzo positivo dos pais, sempre que se poida ou polo menos o fin de semana,é moi importante tamén no almorzo. As présas e a falta de tempo só conducen a empeorar a calidade nutricional desta comida.
Por que é importante que o neno almorce?
- O almorzo é a comida máis importante do día.
- Cando o neno se levanta pola mañá hai 10-12 horas que non come e o seu corpo necesita alimentos e enerxía para estar en boa forma e preparado para toda a actividade que lle espera: xogar, concentrarse na clase e estudar.
Que pasa se non almorza?
- Custaralle máis atender ao profesor e facer as tarefas.
- Aprenderá menos e con máis esforzo.
- Sentirase fatigado e estará menos activo.
- Sentirá máis apetito a media mañá e comerá máis (lambetadas, bolos que teñen máis graxa e azucre, refrescos...) O seu peso e a graxa corporal tamén aumentará.
- Pode que non tome o calcio suficiente para os seus ósos e para ti. .
Que pasa se o neno almorza?
- Aprenderá máis rápido e mellor. Concentrarase máis.
- Estará máis activo. Estará disposto a xogar e a ter máis actividade física.
- Comerá mellor e de forma máis saudable.
- Axudaralle a manter o seu peso e a súa graxa corporal.
- Permitiralle manter un bo crecemento e desenvolvemento.
- Pola mañá, que non saia da casa co estómago baleiro. ¡¡Pono en forma cun bo almorzo!!
Ten algo que ver un almorzo coa actividade física?
- Si, porque se realiza algún tipo de actividade física sen tomar un almorzo pode sentirse fatigado e cansado. Recorda que o seu corpo necesita enerxía para que se poida mover.