A noite máxica de san Xoán
A noite máxica de San Xoán Galicia enteira, de norte a sur, arde. Cidades e aldeas enteiras saen ás rúas para festexar a noite máis máxica podendo atopar “cacharelas” e “lumeiradas” en cada casa, parroquia e barrio. Atribúeselle protección e boa sorte ao feito de saltar nove veces cada unha destas fogueiras.
O fume, o cheiro a sardiñas e o bo ambiente rodean a esta festa que cada ano atrae un maior número de persoas a vivir unha noite ao redor do lume.
Por un San Xoán saudable: prevención e concienciación
Varios estudos realizados pola Unidade de Queimados do Complexo Hospitalario Universitario da Coruña (CHUAC) afirman que durante a noite de San Juan prodúcese un aumento considerable de queimaduras respecto ao resto do ano. A gran maioría, producidas polas imprudencias e o consumo de bebidas alcohólicas entre os máis novos.
A prevención e a concienciación da poboación son necesarias para reducir estas cifras. Por iso, a continuación, Juan García, da Unidade de Queimados do CHUAC, ofrécenos unhas recomendacións básicas para previr ou minimizar as queimaduras, que recollemos nunha infografía para facilitar a súa consulta, descarga e difusión.
*Recomendacións achegadas por Juan García Barreiro, Unidade de Queimados do Complexo Hospitalario Universitario da Coruña.