Ruta dos Tres Ríos (Touro, A Coruña)
- Distancia: 17 quilómetros.
- Duración: 6 horas e media.
- Ruta circular: Si.
- Dificultade: Baixa.
Comeza a ruta na Área Recreativa de A Santaia, onde poderemos aparcar o coche. Comezamos a ruta polo Monte de Fao a beira do río Lañas e pasaremos polos Muíños da Carballa, logo chegaremos a Fervenza do Salto das Pombas, cunha caída de 10 metros, onde nos poderemos parar a observar unha fermosa estampa. Continuamos camiño cruzando un novo río, o de Beseño, ata chegar a Ponte da Laña, onde desemboca o río Lañas no Ulla, e máis tarde chegamos a Ponte Basebe, finalmente damos volta sobre os nosos pasos.
Unha ruta na que cruzamos tres ríos, o Lañas, o Beseño e o Ulla e na que estaremos acompañados da sombra de frondosas árbores autóctonas.
Ruta da Auga (Guitiriz, Lugo)
- Distancia: 11,2 quilómetros.
- Duración: 3 horas e media.
- Ruta circular: Si.
- Dificultade: Baixa.
A ruta segue o curso do río Parga e pasa por varias fontes de augas medicinais. Comezamos o traxecto cruzando a vía do tren ata chegar a capela de San Alberto, unha igrexa do século XIV, continuamos camiño baixo a sombra de árbores autóctonas e chegamos a Ponte Pitero, cruzamos o río e veremos varios muíños. Finalmente cruzamos a vía do tren e chegamos a fonte de Valdobín, coñecida polas súas augas curativas.
Sobreirais do Arnego (Agolada, Pontevedra)
- Distancia: 5,7 quilómetros.
- Duración: 2 horas e media.
- Ruta circular: Si.
- Dificultade: Baixa.
Ruta que circula á beira do río Arnego,e no que poderemos observar diferentes árbores como castiñeiros, carballos, freixos, ameneiros e sobreiras, que sendo unha especie propia dun clima máis suave, logrou pervivir e prosperar no val do río Arnego gracias as condicións climatolóxicas que presenta este enclave, protexido pola Rede Natura.
A ruta comeza na Igrexa de Cangas, do século XII, continúa polo lugar de Rodís, onde poderemos ver unha antiga fábrica de papel, e chega as inmediacións do Castro de Palio e Igrexa de Santa Baia. Máis tarde continuaremos polo mirador das Piniceiras, onde poderemos contemplar boa parte dos sobreirais do río Arnego, pouco despois pasearemos entre sobreirais e veremos dous muíños.
Camiño Real de San Pedro de Rocas (Esgos, Ourense)
- Distancia: 9 quilómetros.
- Duración: 3 horas.
- Ruta circular: Si.
- Dificultade: Baixa.
Unha ruta que percorre un antigo camiño real, que mantén os seus muros laterais e o empedrado. É un dos sendeiros máis antigos dentro dos homologados, comeza no concello de Esgos e nos leva hacia o mosteiro de San Pedro de Rocas, monumento histórico-artístico fundado no ano 573.
Na primeira parte do sendeiro atoparemos o peto de ánimas de A Meiroá, monumento mortuario popular que servía para deixar limosnas para as almas do Purgatorio, axudandolle así a alcanzar o ceo. Logo do peto continuaremos senda por un bosque ata chegar o mosteiro de San Pedro de Rocas, un dos enclaves arquitectónicos mási relevantes da Ribeira Sacra.
Consellos para realizar rutas de sendeirismo
- Escoller indumentaria apropiada: botas de montaña de caña baixa, calcetíns de montaña e sen costuras.
- Revisar a previsión do tempo antes de realizar a ruta para evitar condicións meteorolóxicas extremas.
- Comezar con sendas homologadas e ben sinalizadas.
FONTES