Xente con vida

O consumo de tabaco sigue sendo a primeira causa evitable de mortalidade.

No ano 2012 o Concello de Baiona puxo en marcha unha campaña para promover que a cidadanía non fumara nas súas praias.

A Dirección xeral de saúde pública recolleu esta iniciativa para estendela por todo o litoral galego, creando a “Rede galega de praias sen fume”.

Esta iniciativa non ten un fin recaudatorio, senón educativos, de promoción da saúde e de protección do medio ambiente, sendo, o seu cumprimento, voluntario. Ademais, ten como obxectivos:

• Promover unha vida sen tabaco.
• Desnormalizar o consumo do tabaco na sociedade.
• Reforzar o papel modélico-positivo dos pais/nais.
• Formar unha rede galega de “Praias libres de tabaco”.
• Promover praias que respecten e coiden o medio ambiente.

Unha praia onde non se fuma en toda a zona do areal, a partir da sinalización. Quedan excluídos da prohibición as zonas ao aire libre dos locais de hostalería situados na praia.

1. Cada vez que prendemos un cigarro estamos poñendo en risco a nosa saúde e a dos que están connosco.
2. Non podemos esquecer que o consumo de tabaco é a primeira causa de morbilidade e de mortalidade evitable.
3. Non fumar representa un paso importante para conseguir unha sociedade sen tabaco, para todos e entre todos.
4. Para trasladar exemplos de boa conduta aos nosos/as nenos/as.
5. É responsabilidade de todos contribuír a desnormalizar o consumo do tabaco na nosa sociedade.
6. Os mozos e mozas teñen que ver que o normal é non fumar.
7. Para desfrutar dun día de praia non fai falla fumar.
8. A praia é un lugar lúdico para desfrutar da familia, da parella, da natureza, onde o fume de tabaco non ten cabida, sendo totalmente prescindible.