Con frecuencia lemos ou escoitamos afirmacións acerca das bondades ou perigos de algúns alimentos. Ás veces son froito de determinadas campañas de publicidade con intereses comerciais e outras responden a opinións non sempre científicas ou contrastadas. Por outra parte, a alimentación posúe
tamén un valor simbólico e cultural, o que ás veces fai que as nosas eleccións se sosteñan sobre determinadas crenzas pouco rigorosas.
Mitos en torno á alimentación
- Soamente as autoridades sanitarias son as encargadas de comunicar á poboación os riscos sanitarios dun determinado alimento.
- Os tratamentos derivados de herbas ou produtos "naturais" non son carentes de risco.
Nestes artigos imos desmentir algúns consellos que son erróneos e confirmar os correctos. Con isto pretendemos clarificar
algunhas afirmacións que ofrecen diferentes medios para favorecer a capacidade para manter unha actitude crítica coa información que se reciba.
Ademais proporcionámosche unha serie de recomendacións:
- En xeral, busca información sobre alimentación en medios "seguros" por exemplo a que procede de organismos oficiais, universidades e sociedades científicas.
-
Se tes dúbidas ou preguntas concretas sobre a túa alimentación e a túa saúde, consulta ao teu médico ou farmacéutico.
- Non creas os "milagres". As axudas que che prometen adelgazar en tempo récord non teñen ningún rigor e poden ser perigosas.
- Os tratamentos derivados de herbas ou produtos "naturais" non son carentes de risco. Pola contra, ao non pasar controis de seguridade, poden conter principios activos que os fan potencialmente perigosos.
- Non te fíes das recomendacións "raras". Polo xeral, carecen de rigor científico. Algúns exemplos: Non mesturar nutrientes, non mesturar alimentos das mesmas cores, facer un día de xaxún, comer só froita unha vez á semana...
- Soamente as autoridades sanitarias son as encargadas de comunicar á poboación os riscos sanitarios dun determinado alimento. Non te fíes de "perigos" sen fundamento. Se un alimento está no mercado é porque cumpre coa lexislación vixente e é seguro para a saúde.
Publicacións relacionadas que poden
interesarte: