Que é o colesterol? Cal é o
colesterol bo e cal o malo? Como o podo controlar? Estas son as
típicas preguntas que un se fai cando escoita falar do colesterol e
ás que se dan resposta neste artigo.
O colesterol é unha substancia presente en todas as células
animais necesaria para o normal funcionamento do organismo. A
maioría do colesterol é producido polo fígado, aínda que tamén se
obtén a través dalgúns alimentos. É moi importante na formación dos
ácidos biliares, imprescindibles para a dixestión das graxas,
formándose a partir del hormonas como as sexuais e a vitamina D.
Cando nunha persoa o colesterol se eleva de forma excesiva en sangue
aumenta o risco de sufrir por exemplo enfermidades do corazón como o infarto.
O colesterol é conducido polo sangue ata os órganos que o
necesitan, pero necesita uns "autobuses" para ser transportado.
Estes autobuses chámanse lipoproteínas.
- Lipoproteínas de baixa densidade (LDL): Saen do fígado con
colesterol novo que o leva a todas as células do organismo que o
necesiten. É o que coñecemos como colesterol "malo" porque se
deposita nas arterias e forma as placas de ateroma.
- Lipoproteínas de alta densidade (HDL): Fan o percorrido
inverso. Recollen o colesterol e devólveno ao fígado que o almacena
ou o usa para formar bile. É o que coñecemos como colesterol "bo"
porque limpa as nosas arterias de colesterol.
http://www.youtube.com/watch?v=k9jk1ZBk3U4
Ás veces as lipoproteínas HDL son incapaces de recoller todo o colesterol,
e este espera apoiado na parede arterial. Si se acumula moito, o espazo queda reducido.
É dicir, as HDL son incapaces de absorber todo o colesterol e o sobrante deposítase na parede das arterias (ateromatose).
Sabías que?
- O exercicio regular e o aceite de oliva son capaces de aumentar o colesterol
"bo"?
- Se un enfermo de ateromatose mantén moi baixos os seus
niveis de colesterol en sangue pode lograr que ese colesterol pase
da parede arterial novamente o sangue e alí sexa eliminado? Por
iso, recoméndase aos pacientes que sufriron infarto de miocardio
ou accidente cerebral que manteñan cifras moi baixas de colesterol
para intentar limpar así as súas arterias.
- Segundo datos recentes dun ensaio realizado pola
Universidade de Navarra unha dieta mediterránea enriquecida con
aceite de oliva virxe ou con froitos secos pode reverter a
arterioesclerose nas arterias carotídeas nun ano.
Algunhas cuestións
Sabes cales son os teus niveis de colesterol? Cando foi a
última vez que che fixeches unha análise do colesterol?
Publicacións relacionadas que poden
interesarche: