O sobrepeso e as deficiencias en determinados nutrientes son os
principais riscos alimentarios nas etapas preescolar e escolar.
Sobrepeso e obesidade
O consumo de determinados alimentos como doces, lambetadas, "snacks" atractivos, bebidas brandas ou o abuso de preparacións culinarias precociñadas, fritas ou con salsas e aderezos comerciais polo xeral ricos en azucres e graxas, pode favorecer unha inxestión calorífica excesiva, o que implica risco de sobrepeso e obesidade.
O seu doado e rápido consumo, a súa atractiva presentación e o seu carácter
identificador entre os escolares fanas especialmente atractivas. Polo
xeral conteñen unha alta densidade calorífica e unha baixa calidade nutricional.
Representan case 1/3 do total das calorías da dieta nos países
desenvolvidos e son un factor importante no aumento da prevalencia
do sobrepeso, a obesidade e as súas complicacións na idade pediátrica.
Recoméndase ofrecer porcións axeitadas ás súas necesidades xa que existe tendencia a comer todo o que está no prato. O exceso levará consigo tamén un aumento de enerxía.
A omisión do almorzo, a substitución das merendas por produtos
comerciais máis calóricos ou a inxestión de alimentos e “peteiradas”
fóra do horario de comidas, son factores relacionados con máis
sobrepeso entre os nenos.
Na idade preescolar, a diferenza da adulta, somos capaces de
responder a sinais internos de apetito e saciedade e non a sinais
externos que teñen que ver co horario de comidas ou coa aprendizaxe
social. Isto fai que teñan unha gran capacidade de adaptación en
canto a cantidades en función da densidade enerxética dos alimentos.
Debe destacarse o feito da influencia cada vez maior e a
idades máis temperás dos nenos na elección dos menús familiares e da
dispoñibilidade crecente de diñeiro, que lles permite mercar unha
parte importante dos alimentos e bebidas que consomen sen control
familiar. Esta situación coincide coa perda progresiva do papel
dunha supervisión familiar axeitada. Un factor condicionante dos cambios
nos hábitos de vida constitúeno a televisión e outras tecnoloxías da
comunicación, a información e o coñecemento, que a través da
publicidade de alimentos e bebidas, moitos deles con baixo valor
nutricional e ricos en calorías, azucre, graxas e sal. O efecto das
pantallas e dobre, dun xeito incita á compra e ao consumo dos
produtos publicitados tanto estéase fronte a esta como no resto do día,
e por outra favorece a inactividade polo que o gasto
de calorías é mínimo e as calorías restantes deposítanse no corpo en
forma de graxa.
Deficiencias selectivas de
determinados nutrientes
A dieta monótona, consumindo só alimentos “preferidos” en
detrimento doutros (polo xeral peixes, verduras, legumes, hortalizas
e froitas) e a omisión dalgunhas comidas do día, pode favorecer o
risco de inxestións inferiores ás recomendadas para determinados
nutrientes como vitaminas e minerais como o calcio ou ferro, e/ou
compoñentes bioactivos dos alimentos como antioxidantes naturais.
Publicacións relacionadas que poden interesarche: