A fibra é un compoñente esencial dentro dunha dieta saudable. A inxestión diaria de fibra proporciona moitos efectos beneficiosos ao noso organismo, contribúe ao mantemento da saúde e prevén a aparición de distintas enfermidades.
A fibra alimentaria está formada por partes comestibles das plantas, que o noso intestino delgado é incapaz de asimilar, e que chegan intactas ao intestino groso onde é fermentada total ou parcialmente polas bacterias intestinais. Durante este proceso fórmanse varios produtos. A acción combinada de todos eles produce efectos beneficiosos como a regulación da función intestinal e dos niveis de glicosa e de colesterol.
Para beneficiarse de todos os efectos dos diferentes tipos de fibra cómpre variar as súas fontes. Como se atopa en alimentos de orixe vexetal como froitas, verduras, hortalizas ou cereais integrais, cada un deles achega outros nutrientes e compoñentes bioactivos determinantes dun óptimo estado de saúde.
Coa colaboración dos alumnos e profesores do Centro Integrado de Formación Profesional Compostela, elaboramos a publicación Menús saudables ricos en fibra. Esta guía recolle 20 propostas diferentes de menús diarios completos, cun alto contido en fibra, que inclúen: almorzo, parva ou media mañá, comida, merenda e cea. Tamén encontrarás información sobre os alimentos e o seu contido en fibra, recomendacións para incrementar o contido de fibra na dieta, a pirámide do benestar dixestivo e 20 receitas coas súas correspondentes fotografías.
Menús saudables ricos en fibra
Descarga o PDF da publicación coas propostas de menús completos para cada día.
Guía menús saudables ricos en fibra
Artígos relacionados que poden interesarche: