Quen se anima a unha ruta de sendeirismo? Prepara roupa cómoda, auga e algo de comida e achégate o próximo sábado 18 de outubro ao concello pontevedrés de Pazos de Borbén. Ás 10:00 h. está prevista unha ruta pola Fraga do Barragán, de 17 quilómetros de percorrido circular.
- Camiñar é unha das formas máis doadas e seguras de mantenerse fisicamente activo e saudable.
- A actividade física regular, combinada cunha alimentación saudable, é clave para previr enfermidades e manter un peso saudable.
A Asociación Galega de Medicina Familiar e Comunitaria (AGAMFEC) proponnos asistir á Ruta Senda da Fraga do Barragán PR-G 164. A cita é este sábado 18 de outubro ás 10:00 h. na Praza de Wenceslao Verde (Pazos de Borbén).
A Senda pola Fraga do Barragán é unha ruta vinculada á auga e ao seu aproveitamento. O bosque é un dos principais atractivos do percorrido. Ao longo deste, poderás ver carballos centenarios e outras especies, que converten esta fraga no bosque oceánico caducifolio máis importante da provincia de Pontevedra.
Ademais, terás a oportunidade de apreciar unha gran riqueza etnográfica, como muíños, pontes, muros, camiños lousados ou un acueduto. Como broche de ouro, gozarás do ámbito dos restos da Cidade, poboado construído sobre un castro.
Ruta de dificultade media
A ruta presenta un trazado circular e conta con tres posibles saídas en caso de necesidade, de modo que a súa lonxitude non supón unha dificultade para aqueles que consideren que o itinerario pode resultar demasiado longo para as súas posibilidades.
Recoméndase levar roupa cómoda, chuvasqueiro por se chove e calzado deportivo. En caso de fortes precipitacións, é imprescindible o uso de botas de trekking, xa que podemos encontrarnos con lameiras. Non esquezas incluír na mochila uns bocatas e auga para repoñer forzas ao longo do camiño.
Data de celebración: 18 de outubro de 2014
Hora de encontro: 10:00 h.
Punto de encontro de de chegada (ruta circular): Plaza de Wenceslao Verde, Xunqueiras (Pazos de Borbén, Pontevedra)
Distancia recorrida: 17,34 km
Duración: 5 h
Dificultade: Media